KALENDAR

Sien Suid-Afrika soos jy dit nog nooit gesien het nie

Het jy geweet dat Suid-Afrika die tuiste is vir byna tien persent van die wêreld se bekende voël-, vis- en plantspesies en sowat ses persent van sy soogdier- en reptielspesies, alhoewel Suid-Afrika slegs een persent van die aarde se grondoppervlakte uitmaak? (Bron: National Geographic).

Kom verken hierdie wonderlike land saam met ons!

iALA OORBRUGGINGSJAAR KALENDER 2019

  • 1ste Termyn: 28 Januarie – 29 Maart       (8 weke)
  • 2de Termyn: 15 April – 14 Junie              (9 weke)
  • 3de Termyn: 22 Julie – 20 September      (9 weke)
  • 4de Termyn: 1 Oktober – 31 Oktober      (4 weke)

Belangrike datums

Volg binnekort.

Die programme

  1. Oseaanvaardighede & Staptogte

(Februarie tot Maart)

Leer oor golwe, getye, kuslyne en die ekologie van ’n gesonde habitat. Oseaanswem, noodhulp en lewensredding vorm deel van die opleiding. Ons eindig die termyn af met ’n staptog in die Knysna Woude, die grootste natuurlike reënwoud in Suider-Afrika.

  1. Jag en Oorlewing

(April to early June)

Leer oorlewingstegnieke, verstaan die verskeidenheid biome van Suider-Afrika, asook die toepassing van jag as ’n vaardigheid. Spoorsny- en gidsopleiding is ook hierby ingesluit. Ons doen alles op die agtergrond van ‘Search & Rescue’-beginsels. Die opsionele finale fase is om jou eie bok te jag, indien jy kwalifiseer om dit te doen.

Ons reis die Wes-Kaap; stap Tafelberg, sien Kaapstad en die Kirstenbosch Botaniese Tuine, asook die Suid-Kaap en Klein Karoo, waar jy gemeenskapswerk by ’n Wêrelderfenisgebied sal doen.

  1. Kleinboot hantering, Gemeenskapsdiens & Visrivier Staptog

(Julie to Augustus)

Die basiese kleinboot hanteringskursus sal jou meer gevorderde seevaardighede leer. Jy kan ook 4×4 opleiding teen ’n ekstra koste doen. Besoek die Transkei vir ’n uitreikprogram in die plaaslike nedersettings en eindig die termyn af met die wêreldberoemde staptog in die Visrivier in Namibië

  1. SCUBA Duik, Bergfietsry & Touvaardighede

(September to Oktober)

In die laaste kwartaal beweeg ons af na die warmer water van die Indiese Oseaan, waar jy jou SCUBA- en bergfietsopleiding sal voltooi. Dit sal waarskynlik by Tsitsikamma, ’n Wêrelderfenisgebied langs ons Suidelike kuslyn, plaasvind indien die weer dit toelaat. Ons mag dit aanpas na gelang van die weer en toestande.

Laai af die 2019 IALA Aansoekvorm